वीरगञ्ज २७बैशाख

 वीरगञ्ज महानगरपालिकाले नेपाल आयल निगम वीरगञ्ज शाखालाई ५ हजार रुपैयाँ जरिवाना गरेको छ । वीरगञ्ज महानगरपालिका वडा नम्बर १५ लक्ष्मणवा प्रतिमा चौकस्थित शाखा कार्यालय अगाडी बाटोमा फोहोर फालेर आगो लगाएकोले महानगरपालिकाले जरिवाना गरेको हो । 

गर्मीको मौसममा तातो हावा चलिरहेको अव्यवस्थामा गैर जिम्मेवारीपुर्वक बिजुली ट्रान्सर्फमर मुनि फोहोरमा आगो लगाएको पाइएकोले ५ हजार जरिवाना गरिएको सरसफाइ अभियानका संयोजक प्रकाश खेतानले जानकारी दिए । 

सरसफाइमा नगरवासीहरुले फोहोर संकलन गर्न आउने गाडीहरूमा फोहोर राखीरहेको अवस्थामा जिम्मेवार सरकारी निकायले नै गैर जिम्मेवारी कार्य गरेको सरसफाइ शाखा प्रमुख सर्फुदिन मियाँले बताए